Galiza contra a ocupación militar de Palestina

.

Galiza Non Se Vende sae á rua cunha caravana de concertos reivindicativos

Galiza Non Se Vende sae á rua cunha caravana de concertos reivindicativos en 7 cidades ou vilas galegas. O primeiro será o día 3 de xaneiro en Vigo, na Fabrica de Chocolate (Roxelio Abalde, 22) ás 21:00.

O goberno “bipartido” da Xunta, lonxe de marcar distancias coas viciadas e denostadas políticas anteriores, segue apostando por un vergonzoso continuísmo, caendo nas mans do capitalismo máis depredador en vez de apostar decididamente por estudar e aplicar modelos de sustentabilidade ecolóxica e xustiza social acordes coas demandas de Galiza e d@s galeg@s. Mesmo a actual crise pon de manifesto a febleza de este sistema económico que socializa as perdas das grandes empresas e privatiza as ganancias. (Artigo completo na bitácora de Galiza non se vende)

A nova tamén en Chuza

.

O Apalpador sairá polas ruas de Ferrol o 30 de Dezembro

O próximo dia 30 de Dezembro a partir das 19:00h, O Apalpador sairá polas ruas do bairro de Esteiro a apalpar as barrigas d@s nen@s repartindo presentes e a música das gaitas como acompanhamento. Durante esta semana já foi visto em diferentes Comarcas da Galiza.

(c+p) Fundaçom Artábria
Via Plataforma Artabra 21

.

Un mes sen Xosé Cendón

Cúmprese un mes do secuestro

do gráfico galego Xosé Cendón

Galicia-Hoxe.com O secuestro do fotoxornalista galego José Cendón, nado en Caracas, 2 de agosto de 1974 pero de regreso en Galicia desde os 3 anos, foi na rexión somalí de Puntlandia cumpre hoxe un mes, coa esperanza do Ministerio de Asuntos Exteriores de que poida ser liberado en breve.
Cendón foi capturado xunto cun xornalista británico o 26 de novembro pasado cando ían rumbo ao aeroporto de Bossaso, a capital de Puntlandia, logo de estar na zona durante unha semana facendo unha reportaxe sobre a piratería en Somalia para o diario Daily Telegraph.
Esta rexión costeira ao norte do país é un dos principais baluartes de piratas e onde se secuestraron máis de 80 embarcacións neste ano.
Segundo informaron fontes do Ministerio de Exteriores, hai confianza en que poida haber unha pronta liberación, pero consideran aconsellábel "actuar con cautela" ata asegurar a fin do cativerio.

(Artigo completo en Galicia-Hoxe)

Via Chuza por Oleviatan

• Queremos a Xosé Cendón ceibe!!
• Ceibar a Xosé cendón Xa!!

.

As camaras de A Nosa Terra TV logran falar co Apalpador

anosaterraTV

.

Chicho Mendes: Un anxo da Amazonía

Foto atopada aquí

Chico Mendes:

Un anxo da Amazonía

___________

José Miguel Jiménez

O 22 de decembro de 1988 era asasinado en Xapurí, unha pequena cidade da Amazonía brasileira próxima a Bolivia, o seringueiro —recolector de caucho— Chico Mendes. A súa morte sumárase ás miles de asasinatos de dirixentes sindicais, avogados laboralistas, militantes de esquerdas, sacerdotes da teoloxía da liberación, ecoloxistas e indíxenas, rexistrados nos últimos anos na Amazonia brasileira e que hoxe aínda seguen estando á orde do día. Sen embargo, Chico Mendes conseguira aglutinar a forzas tan dispares como partidos políticos, sindicatos de traballadores do caucho, organizacións ecoloxistas, a Igrexa, os grandes bancos e a comunidade internacional, ao redor do seu proxecto da defensa da selva amazónica e dos seus habitantes. O proceso que levou a xerar a atención de todo o planeta facía a defensa do seu principal pulmón, a selva amazónica, o maior exemplo da continua destrución levada a termo no último século da flora e a fauna da Terra e que a pesar da toma de conciencia recente segue o seu camiño de maneira inexorable.

(Artigo Completo Aquí)

.

Arceibe pecha por vacacións

.

(Sos Pontedeume Denuncia) Reganosa ou o poder dos cartos

(c+p Sos Pontedeume Denuncia) A que nun principio ía ser unha das motores e creacións de emprego na comarca de ferrolterra, resultou ser o instrumento dos intereses económicos e especulativos duns poucos que baixo o amparo do poder dos cartos, poñen en perigo a toda a comarca de ferrolterra.

A creación dun principio do porto exterior de Ferrol baseábase na necesidade de ubicar nun espazo o tráfico que xerasen as industrias e mercadurías perigosas. Na actualide o resultado é que o porto fíxose e a planta de gas tamén, coa diferenza de que modificouse o emprazamento da mesma situandoo dentro da ría, nun lugar que é ilegal se temos en conta as distancias que á separan dos núcleos poboacionais e coa perigosidade engadida de que os gaseiros teñen que entrar na ría coa pleamar diurna, maniobra perigosa si xurde algún problema pois non hai forma de evacuar a ría por mor da entrada tan complicada que ten para este tipo de embarcacións.
Contra todo o anterior está a loitar o Comité de Emerxencias para a Ría de Ferrol, formado por diversas asociacións ecoloxistas e moitos cidadáns que a traverso dos séus blogues (arceibe, canariodopenedo, susoferrol, plataforma ártabra 21) entre outros moitos, xa levan "moitos" anos denunciando o silencio mediático e político imposto polo capitalismo depredador e salvaxe de todas aquelas persoas que se agochan tras a ilegalidade de Reganosa, demostrando así o espíritu activo e convativo dunha cidadanía que loita pola verdade e contra a ilegalidade imposta polo poder dos cartos.

(c+p Sos Pontedeume Denuncia)

PLANTA DE GAS FORA DA RIA !!

.

Ferrol en perigo; O gaseiro que onte non poido entrar polo temporal, vólveo intertar...

Comunicado do Comité Cidadán de Emerxencia
[13 de dezembro de 2008 10:16 ]

De novo un gaseiro cargado con GNL para Reganosa ten que abortar a súa entrada debido ás condicións meterolóxicas.

O "LNG LAGOS" un vello gaseiro de 32 anos de antiguedade (23 deles inactivo) tiña prevista a arribada a Ría de Ferrol o sábado 13 de Decembro, na pleamar da tarde, e vese forzado a desistir de cruzar o angosto canle da Ría debido as previsións de mar gruesa e ventos fortes que poderían provocar o seu desplazamento contra a costa e causar un tráxico accidente.

Estas situacións vanse producindo con moita frecuencia (néboa, temporal, vento, visibilidade…), e non fan outra cousa que reafirmar o tantas veces manifestado sobre a perigosidade e improcedencia da ubicación da Planta no interior da Ría, cando podería estar situada no Porto Exterior.

Así seguirá sucedendo, ata que un día, iniciada a manobra de entrada, o buque, véxase sorprendido por un cambio brusco non previsible das condicións metereolóxicas, ou que, por causa urxente, teña que abandonar a ría no medio dunhas circunstancias adversas, entón, cando ocorra a desgraza, todos aqueles responsables que agora fan oídos xordos ás nosas advertencias serán os primeiros en lamentarse. Entón será xa demasiado tarde.

Domingo 14 decembro : CONCENTRACIÓN
(Entrada 37º gaseiro)

O gaseiro nº 37, o "LNG Lagos", que hoxe sábado tivo que desistir da entrada na Ría, a causa do forte vento, intentará achegarse na tarde de mañá domingo a Planta de Gas, coa sua perigosa carga de GNL, polo que o Comité Cidadán de Emerxencia para a Ría de Ferrol, convoca

CONCENTRACIÓN

Domingo, 14 de Decembro, ás 7 da tarde

Ante o Edificio Administrativo da Xunta de Galicia

(Praza de Amada García – Ferrol)

PLANTA DE GAS FORA DA RÍA !!

(c+p) Plataforma Artabra 21

Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org/

.

Ceibar a Xosé cendón Xa!!

• Queremos a Xosé Cendón ceibe !!

.

HOXE: Che Sudaka na Fundaçom Artábria!!

"CHE SUDAKA" en concerto na Fundaçom Artábria hoxe 12 de decembro as 22:30 horas, o prezo do billete é de 4 euros para sócios e de 5 euros para o públio xeral. A música continuará con "A Moriña Sound Antisistema"

CHE SUDAKA: http://www.myspace.com/chesudakastyle
A morrinha Sound Antisistema: www.myspace.com/amorrinha

Fundaçom Artábria
Vía Plataforma Artabra 21

.

Arceibe xa ten calendário do Apalpador para o 2009

Arceibe xa ten o seu calendario do Apalpador

• Calendário do Apalpador para descarregares e imprimires de graça
• POLO NATAL… CHEGA O APALPADOR
• O Apalpador tornará-se realidade no Natal galego
  

.

A contaminación e o risco de sufrir problemas cardiovasculares

Foto atopada na web da Junta de Andalucia

As persoas con problemas cardiovasculares presentan un maior risco de sufrir ataques ao corazón, ictus ou arritmias como consecuencia dunha exposición á contaminación ambiental. Así se indicou durante a celebración do primeiro encontro sobre Investigación Traslacional do Centro Nacional de Investigacións Cardiovasculares (CNIC), celebrado a semana pasada en Madrid.

(correofarmaceutico) As partículas contaminantes emitidas pola combustión das carburantes dos vehículos, entre outras fontes de polución, poden conter unha mestura de complexos químicos tóxicos, segundo un estudo publicado no 2007 en The New England Journal of Medicine. O traballo, efectuado en mulleres, revelou que un incremento de 10 unidades de partículas finas asóciase cun aumento do 76 por cento de mortes por episodios cardiovasculares, como ictus e infartos.

"Son moitas as investigacións que estudan de que maneira polutantes como as dioxinas ou compostos como o bisfenol-A poden estar implicádevos na aparición de eventos cardiovasculares como malformacións do corazón ou paros cardíacos", sinala Adrián Grimes, do departamento de Bioloxía do Desenvolvemento Cardiovascular do CNIC.

O Estudo Multicéntrico Español dos Efectos da Contaminación Atmosférica na Saúde sinala que dous días de altos niveis de contaminación abondan para elevar a mortalidade nas poboacións ata un 1,5 por cento. Así mesmo, un estudo de avaliación de riscos realizado polo Centro de Investigación en Epidemiología Ambiental (Creal-Imim) liderado por Nino Künzli, sobre os beneficios de reducir a contaminación, conclúe que axustar os niveis reduciría en 1.200 as mortes anuais no área metropolitana da cidade.

"As doenzas cardiovasculares como consecuencia da contaminación ambiental superan en número ás respiratorias", apunta Künzli. E engade que as persoas que posúen esta doenza de maneira conxénita son as que presentan un risco maior de sufrir complicacións máis graves.

Estímase que o cinco por cento dos bebés nace con algunha complicación cardiovascular. De feito, "múltiples estudos suxeren que a exposición do a nai ao aire contaminado pode ocasionar problemas no neno, similares aos que provoca o tabaco".

(Enlaza co artigo orixinal do Correo Farmaceutico)

.

Amigos da Terra conmemora o Día Internacional dos Dereitos dos Animais

O 10 de decembro conmemórase o Día Internacional dos Dereitos dos Animais no cal se quere facer lembrar a toda a poboación a importancia de respecto e convivencia con outro seres vivos vítimas da manipulación do ser humano.

Hoxe pola tarde na rúa do Paseo en Ourense, Amigos da Terra fará unha Xornada Informativa e procederase á entrega das follas asinadas por numerosos cidadáns que solicitan ao concello de Ourense que declare “Ourense, cidade amiga dos animais”. Unha iniciativa promovida por varias asociacións ecoloxistas e que se leva a cabo en varios municipios galegos. Tamén, o sábado 13 ás 18 horas, a asociación proxectará o documental “Animal” na Casa da Xuventude, co obxectivo de crear debate sobre as polémicas corridas de toros e a presunta tradicionalidade que esta festa defende. A entrada será de balde.

(Enlaza co artigo orixinal de Amigos da Terra)

.

A voltas co encoro nos Ancares

Foto en Panoramio

(Enlaza co artigo orixinal de El País)
A concesión que outorgou o réxime franquista a unha empresa para erguer un gran encoro na serra de Os Ancares está hoxe en día "plenamente vixente". Así asegúrao o Ministerio de Medio Ambiente e Medio Rural e Marino en relación cos trámites iniciados por Saltos do Navia, unha empresa asturiana propiedade de Endesa e Hidroeléctrica do Cantábrico, para construír un encoro e unha central hidráulica entre os meandros do río Navia, na provincia de Lugo.

A sociedade esgrime un permiso concedido no 1963 para promover un encoro de 123 hectómetros de capacidade que sería a sétima máis grande da Galiza. Na súa resposta parlamentaria a unha pregunta do BNG, o departamento da galega Elena Espinosa evita aclarar se pensa autorizar a execución do proxecto, situado nunha paraxe limítrofe con Asturias que a Xunta pretende declarar parque natural.

O ministerio argumenta que o pantano promovido por "Saltos do Navia" atópase en plena avaliación de impacto ambiental polo que "non corresponde informar en que sentido se pronunciará o órgano ambiental na súa resolución". A Xunta, sen embargo, xa anunciou que enviará ao Goberno central un informe contrario ao proxecto polos danos que ocasionaría na zona, segundo lembra o deputado nacionalista Francisco Jorquera, o Bloque xa pediu incluso no Congreso que se anule definitivamente a concesión outorgada fai máis de 40 anos.

Compensacións

Desde que a ditadura aprobou a concesión para erguer un encoro xunto á localidade de Navia de Suarna, a infraestrutura está atrapada nun labirinto de resolucións administrativas, impugnacións xudiciais e protestas dos veciños. O penúltimo intento de reactivar o proxecto, bautizado no seu día como o Gran Suarna, produciuse durante o Goberno de Felipe González, que estivo a piques de darlle vía libre sen nin sequera esixirlle á empresa un estudo de impacto ambiental. Agora, con maiores controis ambientais, a empresa filial de Endesa emprendeu unha nova tramitación. E a sabendas de que as probabilidades de que saia adiante son escasas, os responsables de Saltos do Navia confesan a súa aspiración a que a Administración lles "compense" polos "dereitos" adquiridos na zona.

El País

Vía Chuza por ranchinchancho

• Encoro nos Ancares “inadmisíbel” (fai un ano)
  

.

Acto Solidario con Cuba no Teatro Jofre de Ferrol

Víde by Fuco Buxán

Acto Solidario con Cuba
Mércores 10 de decembro ás 20:30
no Teatro Jofre de Ferrol

(c+p Fuco Buxán)Trátase de finaciar catro proxectos de vivendas e infraestruturas básicas, destruidas polo paso consecutivo de tres furacáns, principalmente en Pinar del Río, por un importe de 153.000 euros, que serán xestionados e fiscalizados pola ONG ACSUR las Segovias.
O prezo da entrada son 6 euros.

Organizado pola Plataforma de Axuda Urxente a Cuba, formada por:
ACSUR las Segovias. Ateneo Ferrolán. A. VV de Caranza " Cuco Ruíz de Cortazar". A. VV de Esteiro"Fontelonga". CPS de San Valentín. Asociación E.P. Uruguai-Galicia. Asociación Fuco Buxán.
coa colaboración e patrocinio da Concellería de Cultura do Concello de Ferrol.

Programa do Acto, que será presentado pola periodista Beatriz Picos:

Ulträqäns, Balakandra, Norge Batista ( cantautor cubano), Laura Landeira (recita) Luar na Lubre, Coro Toxos e Froles.

Intervirán: Un representante da Plataforma de Axuda Urxente a Cuba e o Consul Cubano en Galicia.
A recadación ingresarase na conta de Caixa Galicia: 2091 0000 35 3040185583. onde tamén podense facer donativos.

As entradas xa están á venta no Teatro Jofre e por internet na Páxina: http://www.ferrol.es/jofre.

Máis información dos proxectos a financiar.

Fuco Buxán

.

O Comité Cidadán de Emerxencia para a Ría de Ferrol no Foro Social Galego

O CCE no Foro Social Galego

O Comité Cidadán de Emerxencia para a Ría de Ferrol, está a participar no Foro Social Galego, que celebrase en Santiago, estes 5, 6 e 7 de Decembro.

Enlace a web do F.S.G. coa información dos debates.

Onte sábado día 6, na Facultade de Filoloxía, e dentro da Comisión Galiza: Territorio, Enerxía, Seguridade, Movilización Social, os compañeiros do CCE : Manuel Rodríguez Carballeira, Luz Marina Torrente, Manuel Afonso Amorín, Carlos Alvarez e Humberto Fidalgo, presentaron a ponencia:

O Caso Reganosa
(Enlaza co artigo de moito interese na bitácora do CCE)

.

O caralho da Galiza

Foto atopada en Galizacig.org

A cheminea de España

O xornal PÚBLICO adica unha ampla reportaxe á central térmica de as Pontes. Nela recóllense opinións do colectivo Fusquenlla.

A térmica coruñesa As Pontes demostra a dificultade de cumprir co Protocolo de Kioto.
Enormes torres de refrixeración que expulsan sen cesar vapor de auga, e unha xigantesca cheminea fumarenta, a maior do mundo, de 356 metros de altura. A paisaxe das Pontes de García Rodríguez, un municipio coruñés de 11.500 habitantes, está ligado á central térmica máis contaminante do país.

“É a maior fábrica de cambio climático de España e unha das maiores de Europa”, di a organización ecoloxista Greenpeace do complexo térmico, en mans de Endesa. Segundo datos de CCOO, a central das Pontes foi en 2007 a máis contaminante de España, con case nove millóns de toneladas de CO2, o que representa máis do 20% do total consumido no país. O colectivo ecoloxista Verdegaia advirte de que, de seguir así, o plan de acción do Goberno da Xunta non conseguirá reducir as emisións nocivas, que, en 2012, serán un 37% superiores ás de 1990, moi por encima do establecido no Protocolo de Kioto, que esta semana está a debate en Poznan (Polonia).

Unha análise elaborada pola Universidade da Coruña detectou niveis “excesivos” de metais pesados nas augas do río Eume ata o punto de multiplicar por 3.000 a presenza máxima de aluminio recomendada por distintos organismos internacionais. Segundo denuncian colectivos ecoloxistas locais, o Eume -arteria das fragas, único bosque atlántico con especies de alto valor ecolóxico-, foi o “vertedoiro” durante décadas dos minerais refugados por Endesa.

Narciso Ferreiro, de 57 anos e prexubilado da hidroeléctrica desde 2001, non sabe de informes, como tampouco cre nas estatísticas. Traballou durante 35 anos na mina de lignito pardo que alimentou ao xigante térmico durante décadas e que chegou a dar emprego a máis de 3.000 persoas no pobo. Hoxe apenas son 270 os traballadores os empregados na planta térmica. “O meu pai botou máis de 40 anos na mina; ten 87 e non padece ningún problema grave de saúde”, narra con apatía, mentres apura o enésimo cigarro. “A cheminea sempre estivo onde está”, xustifica. Unha lenda local moi arraigada di que os gases contaminantes que emanan das Pontes van parar a Inglaterra, dada a magnitude desa cheminea.

Á cabeza en enerxía

Os investimentos de Endesa na zona -onde explota dúas hidroeléctricas, un parque eólico e unha flamante central de ciclo combinado, inaugurada no principio do ano- situaron á comarca á cabeza de xeración de enerxía en España. Segundo os datos de Rede Eléctrica Española, a hidroeléctrica conta con 2.252 megavatios de potencia instalada só nas Pontes. A térmica é capaz de xerar por si mesma o 3,69% da demanda nacional de enerxía. Unha afirmación que o alcalde da localidade, o socialista Valentín González Formoso, matiza: “En proporción ao tamaño que ten a central, contamina pouco. Endesa acaba de realizar un investimento de 300 millóns para reducir nun 98% as emisións de xofre e un 10% as de CO2.

Poden parecer unhas porcentaxes insuficientes, pero coa tecnoloxía dispoñible nestes momentos, non se pode facer máis”, engade. “Hai que asumir que as térmicas son as que xeran a enerxía, ata que prescindamos de acender a luz o día que non sopre o vento”, sentencia o rexedor. “O complexo eléctrico de Endesa ten unha importancia que transcende ao pobo. Ten un gran valor para toda a comarca. Sen ir máis lonxe, as obras do porto exterior de Ferrol están xustificadas pola planta das Pontes. A central é un dos maiores centros de emprego da comarca”, conta, orgulloso.

O porto ferrolán ao que se refire o alcalde é a porta de entrada dos máis de cinco millóns de toneladas de carbón que Endesa importa cada ano, procedentes esencialmente de Indonesia e de EEUU, dado o seu teórico menor efecto contaminante. O tráfico de mercancías propiedade de Endesa na dársena ferrol supón o 65% do total.

O colectivo ecoloxista Fusquenlla asegura que case a metade do dióxido de carbono acumulado nos bosques de España, máis de 186 toneladas, “atópase en Galicia, Catalunya e Castela-León. En concreto, os bosques galegos acumulan o 21% dese CO2 e unha parte moi importante procede directamente da central pontesa”, di o colectivo. Para Jesús Silva, cidadán das Pontes, ese efecto percíbese cada día: “Os campos están arrasados. Cando penetras polo bosque dáste conta de que non queda nin rastro de animais vivos. Non se escoitan paxaros. No río non hai peixes”.

Dos datos proporcionados pola Rede EMP/VAG/CAMP, encargada da vixilancia da contaminación atmosférica, tamén se desprende que a taxa de dióxido de xofre presente no medio rural galego é a máis alta de España. E este, segundo os ecoloxistas de Fusquenlla, é “un dos principais problemas da central das Pontes”, que redunda en “a choiva aceda que está arrasando o campo galego”.

Ernesto López descoñece cal é o proceso químico exacto que se desencadea ao entrar en contacto as emisións das torres de Endesa co aire. Só é consciente do humear constante da central. A escasos metros de dous das torres refrixerantes da térmica, Ernesto ten un campo no que cultiva patacas e outras hortalizas. “As plantas amencen cunha capa de graxa negra e as patacas quéimanse”, confesa. Pero tamén recoñece, resignado: “Esta empresa dá sustento a moita xente do pobo”.

O que para moitos nas Pontes é unha mera cuestión de supervivencia, para os ecoloxistas é un despropósito ambiental que se vería agravado de levarse a cabo o traslado, desde Pontevedra, da celulosa de Ence. A papeleira, denunciada polas verteduras á ría e o fedor, é vista con bos ollos polo rexedor socialista pontés. Para Fusquenlla, con todo, “o traslado sería o colofón ao despropósito que padece a comarca, que podería acabar convertida nun sumidoiro das empresas instaladas nas Pontes”.

O futuro da focha

As asociacións ecoloxistas observando alarmados como as instalacións de Endesa foron expandíndose, destruíndo ao seu paso o territorio sobre o que se asentaban. Todo empezou coa mina de lignito pardo, ao descuberto, propiedade da Empresa Nacional Calvo Sotelo, a cuxos pés estableceuse a térmica. Estivo seis décadas en funcionamento. A piques de esgotarse o xacemento, xa en mans dos seus actuais propietarios, e forzados pola normativa europea sobre gases contaminantes que obriga a reducir a emisión de dióxido de xofre, en decembro do ano pasado Endesa puxo fin á extracción do mineral local. A visión actual da focha resultante -de 1.150 hectáreas, cunha lonxitude de cinco quilómetros, unha anchura de máis de dúas e unha profundidade de 200 metros-, é sobrecolledora.

Tras 60 anos de explotación e unha produción de 250 millóns de toneladas de minerais, Endesa traballa nestes momentos nun lavado de face do xacemento. Segundo un pacto ambiental alcanzado polo Goberno da Xunta e a hidroeléctrica, vanse a investir 35 millóns na creación dun lago artificial na cavidade que incluirá zonas de lecer. Para a formación do lago está previsto que se devolvan á súa canle orixinal as augas dos antigos ríos e mananciais.

Os ecoloxistas criticaron o proxecto, por canto “supón un perigo de incalculables consecuencias”. Segundo Fusquenlla, “as augas estancadas no lago multiplicarán os efectos que padece na actualidade o río Eume”.

Publico
(c+p) En Galego no Colectivo Fusquenlla
Titular alternativo por Galegoman




.

The Animals Save The Planet - Eles salvarán o planeta

Mabel Rivera en Rebelión.org

Mabel Rivera

Mabel Rivera a nosa actriz máis internacional é unha persoa moi preocupada e conciente das verdadeiras necesidades do pobo Galego, sempre perto dos movementos sociais que buscan cambios nas políticas. Integrante da rede Galiza non se vende e tamén socia fundadora xunto con Enrique Banet de "Namche Films SL" empresa especializada na realización de documentais de contido social onde salientamos o documental "O Salario do silencio" e "Unha Lousa sobre o Courel", estes traballos están á venda para axudar economicamente ao CCE para a Ría de Ferrol e o SOS Courel.
O pasado luns Rebelión.org publicou unha interesante entrevista a Mabel Rivera, onde fala de temas como as políticas dos novos socios de goberno, Galiza, que pasa en Ferrol?, movementos sociais, Prestige, Reganosa...

Entrevista con Mabel Rivera, actriz y activista de movimientos sociales
“En las políticas que podrían suponer un cambio de rumbo, el actual gobierno gallego está haciendo un seguidismo vergonzoso de la etapa anterior”

Salvador López Arnal
Rebelión

.

Que pasa na Costa? O Pobo quere trigo non rodaballo

O pobo que quere trigo e non rodaballo

O tractor non para de traballar. Máis de 20 hectáreas xa están preparadas para sementar, cuia fertilidade logo de anos sen estar cultivadas e tras ser arrasadas polo lume no 2006, promete suculentas colleitas. Todas estas parcelas estás situadas nos terreos que Pesca pretende ocupar coa ampliación da piscifactoría de Quilmas, ata 250.000 metros cuadrados entre a aldea e a costa.

A clave de todo o proxecto é o que implica: un conxunto de familias que teñen claro o seu modo de vida. Falamos dun pobo que quere vivir da agricultura e que prefire sementar que cementar. Un xeito modélico para enfrontarseao Plan Acuícola

Os veciños están comprometidos coa causa, non hai ninguén que queira vender os seus terreos e todos participan nas labores de acondicionamento das leiras. É curioso ver como as señoras sacan de sacho e axudan ao tractor nas zonas complicadas.

Moitos están indo de feito, aos cursos que organiza a Cooperativa de Agricultura Ecolóxica Raíña Lupa, que preside Xosé Manuel Casais e que conta coa dirección dunha mestra neste eido, Lucía Ferreiro Fernández, a secretaria (vémolos abaixo á dereita). Na mesma participan con todas as consecuencias 15 veciños, que confían en que este proxecto xenere riqueza para o pobo, non como a piscifactoría, na que traballan tan só 3 veciños do lugar.

(Artigo completo en Que pasa na Costa)

Via Chuza por Socram

.

"ANT TV" falou con algúns participantes no "Foro Social Galego"

Vídeo by A Nosa Terra Tv

Esta fin de semana
Foro Social Galego: 'A política faise na rúa'
Bocixa/ Raquel Rey . Do 5 ao 7 de decembro terá lugar en Compostela o Foro Social Galego, que abrangue unha ducia de actividades organizadas por 32 movementos sociais e dous plenarios, amais de espazos transversais de audiovisuais, comunicació e mais unha programación cultural paralela. ANT TV falou con algunhas das persoas participantes.
(Artigo completo en ANOSATERRA DIARIO)

Nova via Chuza por sur

Relacionado

• Beiras: 'Cómpren cambios aínda que algúns ricos se arruínen'
• O Foro Social Galego enche Compostela de actividades artísticas e culturais

.

Non máis "Videotorturas" no You Tube

Campaña de recollida de firmas para que You Tube , non publique videos de maltrato e tortura de animais, que dan pe a que outros filmen as súas videogamberradas só para publicar en You Tube. Nalgúns paises a tortura e o maltrato aos animais é delito, tamén debería selo o publicar tais filmacións.

• Campaña de recollida de firmas
  

(c+p Chuza por Partisano)

.

Logo dunha década, a Fiscalia denuncia a canteira das "Médulas" (Patrimonio da Humanidade)

Foto orixinal de Aladín

O fiscal de Medio Ambiente da Audiencia Provincial de León presentou fai dúas semanas unha querela criminal contra a empresa de Martínez Nuñez "Canteiras Industriais do Bierzo Sociedade Anónima (Catisa)", á que se responzabiliza dun suposto delito contra o medio ambiente pola explotación dunha canteira na paraxe protexido das Médulas (Patrimonio da Humanidade) , tras haber recibido unha denuncia a raíz da cal adoptou a determinación de actuar de oficio, segundo informaron fontes xudiciais.Tamén ao alcalde de Carucedo, Clemades Rodríguez, ao que se considera posible autor dun suposto delito de prevaricación por omisión, ao entender que a concesión das licencias de obra que se expediron é ilegal.
(Artigo completo en Diario de León)
Vía Chuza por Kandpalleiro

Visualizar o mapa ampliado

.

"Recheos Non" MANIFESTACIÓN en Redondela

Cartaz atopado en Galiza non se vende

MANIFESTACIÓN "CONTRA OS RECHEOS NA RÍA", QUE TERA LUGAR O DÍA 12 DE DECEMBRO AS 7 E MEDIA DA TARDE DENDE O CAMPO DA FEIRA EN REDONDELA.

Máis información GNSV

.

Reganosa NON

Vídeo by Meiga77

Vídeo atopado na bitácora de canariodopenedo

.

Homenaxe a María Manuela dos Ferroláns

María Manuela na campaña "A Ría na Rúa" foto Comité Cidadán

(c+p Chuza) A cidade de Ferrol e algúns dos mellores artistas do panorama musical galego unirán-se para render unha sentida homenaxe á cantante e pintora ferrolá María Manuela, cuxa traxectoria comezou hai arredor de corenta anos. Será nunha grande gala que se celebrará o día 4 de decembro no Teatro Jofre, a partires das oito e media do serán. Con entrada libre e gratuíta. Susana Seivane, Rosa Cedrón, Guillerme e Xabier (Berrogüetto), Alfonso Morán, Xurxo Souto e María do Ceo serán algúns dos artistas que estarán na gala.


(máis información en radiofusion)

.

Queremos a Xosé Cendón ceibe!!

O fotografo galego Xosé Cendón leva secuestrado dende o pasado mércores en Somalia, créese que poida estar nunhas covas a 20 km. de Bossaso, por outra banda o Ministro de Asuntos Exteriores admitiu o venres que aínda non puideron contactar cos captores,e dicir non se sabe nada de Xosé Cendón. A última noticia que se ten é que detiveron a dous persoas presuntamente relacionadas co secuestro.
Esperemos que o noso fotografo este axiña na casa connosco.

• Homenaje a José Cendón


• Libertad para José Cendón


• Los ojos de José Cendón

Ultima Hora

29/11/2008 18:17 h Embaixador en Quenia: "Aínda que nós non falamos con eles, distintas fontes [non identificadas], confirmáron que os viron e que están en bo estado"

29/11/2008 18:36 h Xulia Cendón, irmá do fotógrafo Xosé Cendón, admitiu de que se enterou a través de xornalistas de que o embaixador español en Quenia dixera que está localizado

30/11/2008 10:16 h "Primeiro contacto entre autoridades e captores de xornalistas en Somalia"

30/11/2008 11:21h Moratinos asegura que a prioridade no rescate de Cendón é "a súa seguridade"

30/11/2008 18:13 h Policía de Puntlandia espera éxito en operacións para liberar xornalistas

30/11/2008 23:40 h A liberación do fotógrafo español José Cendón en Somalia, máis perto con cinco novas detencións

01/12/2008 00:05 h A familia de Cendón di que está localizado e atópanse máis tranquilos pero en espera

01/12/2008 09:38 h Somalia envía tropas ás montañas para rescatar ao fotógrafo galego

01/12/2008 18:45 h Cendón e Freeman levados a un novo "escondite"

01/12/2008 23:11 h "O meu irmán está ben"

02:12/2008 08:31 h Xosé Cendón: "Estou ben e non teño nin un rasguño"

02/12/2008 10:52 h Comezan as negociacións para liberar ao xornalista Galego secuestrado en Somalia

02/12/2008 21:15 h Os captores de Cendón aseguran que están negociando o prezo do rescate

02/12/2008 21:41 h Moratinos non ten constancia de que se pida rescate por Cendón

03/12/2008 12:09 h Moratinos: 'O rescate de Cendón xestiónao o 'Daily Telepraph'

04/12/2008 10:12 h A familia de Cendón teme que os secuestradores o reteñan ata Nadal

04/12/2008 14:52 h Trinta persoas piden presión política para a liberación de Xosé Cendón

04/12/2008 19:36 h Xosé Cendón segue desaparecido en Somalia unha semana despois da súa captura

05/12/2008 10:14 h A solución pasa por Londres

07/12/2008 17:21 h Decaen os ánimos na familia Cendón diante do secuestro que 'vai para longo'

08/12/2008 23:20 h A familia Cendón pide cautela e prudencia para protexer a Xosé Manuel

08/12/2008 23:35 h Moratinos di que "non hai que perder a esperanza"

10/12/2008 16:00 h A irmá de Cendón di que os contactos para a liberación avanzan lentos

12/12/2008 13:00 h Ceibar a Xosé cendón Xa!!

26/12/2008 12:00 h Cúmprese un mes do secuestro do gráfico galego Xosé Cendón

.

A Nosa Terra entrevista a Xosé Manuel Beiras sobre o Foro Social Galego

Vídeo by anosaterraTV

ENTREVISTA A XOSÉ MANUEL BEIRAS

'Cómpren cambios aínda que algúns ricos se arruínen'

Manuel Vilas. Beiras reclámalle á Xunta 'independencia de criterio' e 'coraxe' para que tome medidas diferentes das da UE e evitar 'salvar aos delincuentes que crearon a crise e afogar aos cidadáns'. O catedrático cualifica de 'acontecemento decisivo' o Foro Social Galego para organizar dende Galiza unha resposta alternativa á recesión. (Artigo completo en A nosa Terra)

Vía Chuza por sann

banner atopado na Plataforma Artabra 21

• O Foro Social Galego encherá Compostela de actividades artísticas e culturais
• O Foro Social Galego chama ao cambio
• Presentación do Foro Social Galego en Ferrol

.

Ledicia pola volta de "Eucaliptos NON"

De: ATELMOP@telefonica.net
Enviado: venres, 28 de novembro de 2008
Para: Arceibe@hotmail.com

Por un problema relacionado cun grave accidente de tráfico do compañeiro que levaba o Blog, a nosa páxina estivo "parada " unha longa tempada .

A nosa dirección é http://www.eucaliptosnon.com/

-----------------------------------------------------------------------------------------

Un sincero desexo de que o teu amigo se recupere ben do accidente, e dende aquí animarvos a seguir con tan digno traballo, que tanto me comprace.

Seguide así!!

--------------------------------------------------------------------------------------------------------------------------------

.

28N; Día sen compras

Imaxe atopada na Ventana Verde

(c+p Adega) Dende hai 16 anos vense celebrando o Día sen Compras, unha iniciativa que xurdiu en Canadá baixo o lema “o bastante é suficiente”. Un día no que a modo de protesta contra o consumismo imperante se anima á poboación a que deixe de lado o carriño da compra. Unha xornada na que poderemos descansar do noso papel de consumidores/as natos e investir o tempo gañado nunha reflexión sobre o modelo “hiperconsumista” do que formamos parte. Proba a facerte algunha destas PREGUNTAS: De verdade o preciso? Voulle dar uso suficiente que compense o gasto? Cantos teño xa? Podería pasar sen el? De onde ven este produto? Quen e como se fabricou? Vai supor moito lixo isto que merco? Hai outra alternativa que sexa máis ecolóxica? Pódese reciclar? É bo para a saúde?

As materias e materiais que consumimos son recursos naturais finitos que usamos para o noso desfrute e para cubrir as nosas necesidades. É importante logo coidalos, gastalos con mesura e darlle unha longa vida. Pola contra no sistema existente a cultura de usar e tirar estáse pondo de rabiosa actualidade. As modas impostas anímannos a tirar obxectos que tornan en “obsoletos” de un ano para outro. O noso consumo tería que ser principalmente de produción local e libre de químicos. Mais a realidade é ben distinta, cada vez é máis difícil saber de onde viu ou que contén o que estamos a mercar.
Os alimentos e produtos pasean de un lado a outro do planeta incrementando as emisións de gases de efecto invernadoiro ao tempo que o seu prezo aumenta simplemente por pasar por mans intermediarias. A cantidade de pesticidas e tóxicos empregados nos cultivos aumentan ano tras ano, moitos deles carecendo dos estudos axeitados que certifiquen a súa seguridade e salubridade.

As transnacionais teñen cada vez máis influencia económica, política e social. Na actualidade máis do 80% das compras realizanse en grandes superficies. Sete empresas controlan tres de cada catro alimentos que mercamos nestes establecementos e unha soa empresa, Carrefour, controla un de cada catro. As grandes superficies fixan prezos, incitan o consumismo estudando o noso comportamento e apoiandose nas nosas debilidades, promoven a produción de lixo, compiten co pequeno comercio e a función social que ten este e provocannos estrés.
Estamos inmersos/as nun sistema onde prima a cantidade producida e os beneficios tirados do producto perante a calidade deste. Un modelo que aplaude por exemplo que os transxénicos aparezan sen permiso na nosa mesa. Un réximen de “libre” mercado na que a degradación medioambiental está acompañando en todo o proceso, no que as rexións máis pobres do planeta son as que sofren o noso desenfreno devorador de recursos.
Como reacción a este modelo, pola saúde persoal e pola do planeta, pero tamén como maneira de levar a iniciativa individual ao plano colectivo, compre mudar estes hábitos e voltar cara un consumo local, social e ambientalmente máis xusto. Tamén nós rematamos por convertirnos en vítimas do consumismo; consumimos o noso tempo libre nas tendas e centros comerciais, consumimos a nosa saúde e paciencia en longas colas, consumimos os nosos desexos poñendolle prezo a todo.
Ante a decisión de facer unha compra podes plantexarte algunha destas preguntas: De verdade o preciso? Voulle dar uso suficiente que compense a inversión? Cantos teño xa? Podería pasar sen el? De onde ven este produto? Quen e como se fabricou? Vai supor moito lixo isto que merco? Hai outra alternativa que sexa máis ecolóxica? Canto me vai durar? Pódese reciclar? Faime máis feliz mercalo? Estou sendo vítima da publicidade? É bo para a saúde?

Artigo orixinal de Adega

.

A Plataforma Galega Antitransxénicos solicita entrevistas cos máximos responsabeis do Goberno Galego

(c+p Verdegaia)Trala covardia mostrada polos parlamentarios que nos representan, ao non seren capaces de facerse eco das demandas da cidadanía e escurrir o bulto deixando á vontade da Xunta de Galiza a posta en marcha dunha serie de medidas laxas e contradictorias, A Plataforma Galega Antitransxénicos vese na necesidade de solicitar entrevistas cos máximos responsabeis do goberno galego: Emilio Pérez Touriño e Anxo Manuel Quintana González.

Nesta reunión trasladarémoslles ao Presidente e Vicepresidente da Xunta de Galiza que cómpre clarificar con urxencia as ferramentas que haberán de garantir a posta en marcha do texto consensuado polos grupos parlamentares, xa que ademais de non cubrir as demandas do pobo galego, a falta de sensibilidade demostrada polos grupos políticos denota o risco de que estas mínimas consideracións nin sequera se leven a cabo.

Neste senso, esixiremos a creación dun órgano de supervisión e seguimento da aplicación dos puntos reflectidos no documento, que ineludíbelmente haberá de contar con presencia da cidadanía galega, representada a día de hoxe por medio da Plaforma Galega Antitransxénicos, que arestora agrupa unha trintena de colectivos e organización sociais.

Nomeadamente, cómpre un seguimento especialmente estricto dos pontos seguintes:

"Incentivar as producións agrogandeiras tradicionais de calidade e os cultivos ecolóxicos outorgándolle a máxima protección xenética."

Especificar cales son os mecanismos de promoción destes modelos produtivos. Clarificar que este punto non sexa unha coartada para dar saída legal a unha coexistencia encuberta de cultivos transxénicos con non transxénicos. Reiteramos: A coexistencia é imposíbel.

"Establemecemento de sistemas de identificación, control e rastrexabilidade dos produtos agrogandeiros."

Garantir que a responsabilidade destes mecanismos non sexa outra carga burocratica para as explotacions e recaiga dita responsabilidade na administración, neste caso concreto consideramos que seria potestade do INGACAL (Instituto Galego de Calidade)

A este respeito, subraiar a especial importancia do compromiso enunciado polos grupos parlamentares de proporcionar información e formación á cidadanía e profesionais do sector agrogandeiro, en todos os aspectos e efectos relacionados cos organismos xenéticamente modificados.

Neste plano informativo, a PGA observa prioritario achegar información sobor dos organismos modificados transxénicamente aos propios grupos parlamentares, habida conta dos argumentos falsos que manexaron nas intervencións, poñendo de releve a grande ignorancia presente nos nosos representantes políticos na Cámara.

Por último, a Plataforma Galega Antitransxénicos manifesta a improcedencia do ponto recollido na Proposición non de Lei alusivo ao incentivo das investigación en biotecnoloxía e inxeñaría xenética, xa que entra en contradición cos pontos especificados anteriormente, e mesmo co espírito do texto inicial da Prosición non de Lei da Declaración de Galiza zona libre de transxénicos: "O Parlamento de Galiza insta á Xuntoa de Galiza a que, no ámbito das súas competencias, non contemple a produción de cultivos transxénicos destinados ao consumo humano e animal"

Queremos mostrar o noso agradecemento a tódolos colectivos, persoas a título individual e medios de comunicación polo seu apoio, demostrando unha vez máis que a sociedade civil vai "un paso por diante"da clase política.

Emprazamos á cidadanía galega a adherirse ás vindeiras iniciativas que xa dende hoxe porá en marcha a Plataforma Galega Antitransxénicos.

Artigo de Verdegaia


Relacionado

- O Goberno español tenta bloquear na UE a investigación dos impactos socioeconómicos dos transxénicos
- Antitransxénicos no Parlamento
- Os cidadáns dixeron NON aos transxénicos
- 26 de Novembro; Galiza libre de transxénicos!!
- 26 N; A nosa terra zona libre de TransXénicos

.

Charla - coloquio nas Pontes para tratar a situación dos ríos Eume e Chamoselo

Foto da contaminación do río Chamoselo (Amigus)

A Asociación xuvenil Galiza Nova organiza unha charla - coloquio nas Pontes no que se analizará a situación actual dos ríos Eume e Chamoselo. O acto contará presenza de colectivos ecoloxistas como ADEGA. Ademais están convidados grupos políticos, empresariais e cidadáns anónimos preocupados polo tema. Terá lugar o vindeiro venres 28 de novembro ás 20.00h no local do Lar.
(c+p Amigus As Pontes)

.

Represión contra a Ria Non se Vende. Quen discrepa: paga

(c+p A Ría non se vende)

Estes dias escomeçam a chegar as multas polo feche nas dependências da Xunta de Galiza em Vigo o dia 13 de Novembro, no aniversário da catástrofe do Prestige. Este acto totalmente pacífico foi reprimido pola polícia, sacando à gente que participou em el a empurrons e sem sequer permitir-lhes entregar o manifesto no registro. Pois bem, agora chegam multas às pessoas que participarom no acto, por: “Provocar reacçons no público que podam alterar a seguridade cidadam e desobedecer os mandatos dos agentes da autoridade na Plaça da Estrela…” multas por valor de 650 euros cada umha que entre todas somam varios miles de euros. Nom é a primeira vez que passa, já na toma simbólica da ilha de Toralha chgegarom varias multas e, hoje mesmo, um membro da Ria tivo um juiço por participar num acto pacífico contra a regata dos formula 1 do mar onde foi acusado de “Insultar, ameazar, amedrentar a dous polícias que tiverom que abandonar a zona e de impedir o passo às autoridades e participantes no acto”, acusaçons totalmente falsas. Parece ser que o PSOE quere implantar o pensamento único na Galiza e nom vam permitir ningumha discrepancia com a sua nefasta política. Esta represom tem nome e apelidos de quem assina as multas que é o Sr. Delfin Fernandez Alvarez Subdelegado do Governo em Pontevedra.

A Ría non se vende

.

Presentación do Foro Social Galego en Ferrol

O Venres día 28 de Novembro, ás 20:00 horas, terá lugar no Salón de Actos do Ateneo Ferrolán, unha presentación do FSG (Foro Social Galego).
A inauguración do Foro Social Galego, será o venres 5 de Decembro, ás 18:30 horas, no Auditorio de Galiza (Sala Mozart). Santiago de Compostela.
(C+p Plataforma Artabra 21)

• http://www.forosocialgalego.org/

.

Vídeo de "A Nosa Terra Tv" Antitransxénicos no Parlamento

Vídeo by A Nosa Terra Tv

Son beneficiosos os transxénicos

.

Anderson Jacintho; "EUA afasta das cidades as súas regasificadoras"

Regasificadora en Mugardos a carón das casas (foto Suso)

(Artigo orixinal Aquí)
O risco dunha explosión en regasificadoras é o motivo de que EUA impida a instalación deste tipo de plantas perto de poboacións, segundo explicou Anderson Jacintho, director da área de seguridade de American Bureau of Shipping (ABS), tras unha conferencia que impartiu no edificio do porto deportivo de Xixón.

Plantas como a que Enagás promove no porto do Musel non teñen problemas en EUA para instalarse en polos petroquímicos, «pero perto dunha poboación non» por que se ten en conta o risco de explosión, explicou o experto estadounidense. «O risco é produto de valorar a probabilidade, a vulnerabilidade e as consecuencias e se non hai como rebaixar o risco para que non haxa danos, non vai ser aprobado» un proxecto desas características. Jacintho explicou que edificios pertencentes ás propias instalacións industriais, como oficinas ou outros, poden «reforzarse» para evitar danos persoais en caso dunha explosión. Pero iso non é viable facelo con toda unha poboación.

Anderson Jacintho falou na súa conferencia sobre a ISO 28.000, unha norma de calidade nos sistemas de seguridade. ABS está realizando a auditoría inicial sobre a seguridade no porto do Musel, primeiro paso para que a Autoridade Portuaria de Xixón obteña esa certificación de calidade. De cumprirse os prazos previstos, O Musel sería o primeiro porto europeu que obtería a ISO 28.000, seguindo o exemplo do porto de Houston (Texas).

A ISO 28.000 require controis dos accesos de entrada e saída do porto, do seu perímetro, das entradas de ferrocarrís, os accesos de barcos desde zonas extraportuarias, o control de credenciais de persoas e a formación das persoas encargadas da seguridade nas instalacións. O principal risco no tráfico de mercancías vén da man do movemento de contedores, polos riscos de atentados terroristas usándoos para introducir armas de destrución masiva nun país, ou para actividades delituosas como o tráfico de drogas, apuntou o relator.

(Enlaza co artigo orixial)

Vía Suso-ferrol

.