Segundo o Ministério espanhol do Meio Ambiente, entre os anos 1990 e 2007 as emissons de CO2 aumentárom na Comunidade Autónoma da Galiza em quase 25%, quando o máximo estabelecido polo Protocolo de Kyoto ficava polo 15%. Entre os responsáveis principais por este crescimento fora de controlo há três empresas com sede social fora dos limites administrativos da Galiza administrativa: Repsol YPF, devido à actividade da refinaria da Corunha; Gas Natural-Unión Fenosa, que gere a central térmica de Meirama; e ENDESA, proprietária da térmica das Pontes, umha das indústrias mais poluentes do planeta... (máis en primeiralinha.org)
Beatriz Guiance - MundoGaliza.com - Aqueles, noutrora tan falsos como famosos, "hilillos de plastilina" que saían da boca de Rajoy, á par que o Prestige cuspía negrura polas nosas costas, siguen estando presentes, no noso mar e na nosa memoria. O último informe realizado por Repsol, para o goberno estatal, confirma que cada día o Prestige continúa a verquer case 50 litros de fuel.
Despois de tantos anos de aparentar normalidade e de bañarnos, verán tras verán, nestas praias "limpas e esplendorosas" dámonos de canto coa realidade, nunca deixou de botar a pantasma veleno preto no mar nin deixaron de ser mentiras as pronunciadas por alquel desgoberno que afundiu algo máis do que un barco.
Canto fuel se supón que había nese barco para que dea tanto de si? Canto máis vai durar este pesadelo?
Estamos xa en outubro de 2009 e non hai perspectivas de que a situación vaia cambiar. Ninguén pagou polas súas responsabilidades, ninguén demitiu, ninguén pisou o cárcere agás o "coitado" de Mangouras. Até cando vai durar o preto das augas, os fundos mariños e as mentiras?
Non esquezamos que os dous da foto foron os máis culpables, xa non tanto polas súas decisións erradas como polas súas mentiras, ocultación de datos, rexeitamento de axuda internaciónal, por non querer escoitar as voces dos expertos e retrucar na súa sobervia teimuda de alonxar o barco até facelo afundir.
A situación, lonxe de estar solucionada, como todos parecen aparentar, pode aínda empeorar moito. O deterioro dos restos do petroleiro poderían provocar a saída de 1.100 toneladas, que son as que actualmente hai almacenadas no seu interior.
1.100 toneladas que de seguro acabarán espalladas polo mar a un ritmo de 50 litros diarios, ou máis se o deterioro dos restos do Prestige provoca perforacións nos tanques.
Non hai cartos, penas ou bágoas que poidan pagar o que estes desvergoñados lle fixeron á Galiza. Non debería haber curruncho na terra onde vos puiderades meter sen ter que agochar esa faciana máis dura que a pedra, mais nen hai vergoña nen sentimentos de arrepentimento, nen tan sequer unha desculpa, nada, apenas mentiras e esquecemento.
Pasen os anos que pasen seguirá a estar no noso recordo. Nunca Máis
A Reserva Mariña dos Miñarzos continúa a promoverse polo mundo enteiro, como un dos mellores exemplos de desenvolvemento sostible. A Reserva, desenvolta perfectamente pola Confraría de Lira a través do proxecto Mardelira http://www.mardelira.net/ mantén a pesca sostible como bandeira. Esta idea está a provocar que a calidade da marca suba enteiros e o seu nome chegue xa a todo o mundo. Corroborao o feito de que a asociación Internacional WWF-Adena teña unha exposición itinerante sobre a Reserva dos Miñarzos:
As emisións de Gases de Efecto Invernadoiro (GEI) en Galicia aumentaron o 23,4% entre 1990 e 2007. Este e outros datos recóllense no informe "As emisións de GEI en Galicia (1990-2007)", no que se difunden publicamente por primeira vez datos sobre as emisións en 2007. As emisións de GEI en Galicia incrementáronse menos que en España pero máis que no conxunto dos países desenvolvidos. As centrais térmicas de carbón achegaron o 39,5% das emisións en 2007. O transporte é o sector onde máis aumentaron as emisións desde 1990... (Artigo completo en Verdegaia) http://www.verdegaia.org/content/view/922/122/
GZvídeos denuncia o último caso de perseguição dos seus reporteiros e enumera uma lista de acontecimentos contra membros deste colectivo, desde interrogatórios em dependências da Guarda Civil a multas por gravar manifestações «ilegais» e (supostamente) participar nelas. Igualmente, anunciam para quinta-feira (dia 17 de setembro) uma concentração em apoio da reporteira.
Ti podes esixirlles a políticos e empresarios sen escrúpulos que cumpran a lei: participa con ADEGA na defensa de Touriñán e boicota os produtos de Pescanova !
Feijóo insiste en reproducir o mesmo modelo acuícola dos dous gobernos anteriores, confiando a cegas nun sistema de produción de alimentos radicalmente insustentábel, alleo á estrutura social e económica do noso litoral e que terá efectos devastadores –e irreversíbeis– no ambiente galego. Un modelo burbullante que confirma as teses daquel concepto de “colonialismo interior” que Xosé Manuel Beiras trouxo a Galiza na década de 1970 da man do recentemente finado Robért Lafont... (Artigo completo en Altermundo)
...A nota discordante puxérona uns asistentes que non foran convidados. Referímonos aos representantes do BNG, Teresa Táboas e Bieito Lobeira, que se presentaron no lugar coa intención de saír na foto. Pero a foto saíulles bastante movida e moi desenfocada.
É un insulto á intelixencia dos veciños e veciñas de Cangas que estas persoas tiveran o descaro e o atrevemento de presentarse alí, cando nas mans da súa compañeira de partido e alcaldesa de Cangas, Clara Millán, está a posibilidade (e a obriga) de parar esas obras con só asinar un papel, pois, entre outras moitas irregularidades, carecen de licencia municipal. Pero Caixanova (ou caixa rouba), accionista maioritaria da empresa promotora, é moi… como dicir… influínte?
E a foto saíulles movida porque os berros de “Bloque, PSOE, PP, a mesma merda é”, “BNG fora de Massó”, hipócritas, vendidos, corruptos e outras lindezas, acompañáronnos moi de cerca, cara con cara, tanto cando embarcaron nun dos barcos como cando, unha hora despois, saíron del a toda presa e fuxiron peirao adiante como almas que leva o demo. E aínda no mesmo barco tiveron que oír bastantes cousas. Deuse ademais a circunstancia de que sobre as 11:30 toda a flota tomou rumbo á casa do concello, moi próxima ao mar, para levar á alcaldesa a protesta. As súas caras alí eran todo un poema...
...no medio do val da Coruña, onde o Goberno de Franco decidiu no 1962 instalar unha industria para destilar petróleos. As sucesivas ampliacións dos anos 70 cercaron ese pequeno barrio coruñés con aspecto de aldea. "Rodeáronnos e illáronnos, sen unha saída de emerxencia... Pero hai un plan de emerxencia e evacuación, aprobado pola Xunta, do que a poboación non sabe nada. Nin unha charla, nin un folleto, nin aínda menos un simulacro, din os veciños dos tres barrios máis próximos (4.500 habitantes)...
A Asociación Galega de Horticultura Urbana, aínda está a preparar os estatutos para se constituír, e presentan o seu web para convidar a quen queira a ser socio fundador. Pretende servir de centro de encontro entre os afecionados ao cultivo urbano en Galicia; planificar charlas, cursinhos e eventos para extender a cultura hortícula entre os urbanitas galegos. Servir de punto de intercambio de productos producidos de forma ecolóxica, excedentes, sementes, etc. Organizar festas, mercadilhos, encontros gastronómicos, etc.
A iniciativa de Verdegaia, Amigos da Terra e Greenpeace, vén de se constituír a Alianza Galega polo Clima, unha alianza aberta de organizacións sociais que nace co obxectivo de fortalecer a resposta social ao desafío da mudanza climática. A Alianza acha que Galicia é parte da crise climática global e que debe asumir a súa responsabilidade na redución das emisións de gases de efecto invernadoiro, apostando por unha economía baixa en carbono que sexa sustentable e xusta. Podes ler a declaración de principios e intencións no blog da Alianza Galega polo Clima.
O pasado ano secaron moitas árbores, legumes e plantas en Ferrolterra. Os paisanos estaban firmemente convencidos de que foi unha choiva aceda das Pontes, esa pluma pestilente que se ve sobre Ferrol e que, en ocasións foi detectada nas illas británicas. Quizais fose suficiente para evitalo con que na central das Pontes utilizasen os filtros correspondentes e regulamentarios. Decátome de que a innombrable Reganosa, a planta de gas, facendo oídos xordos ás protestas cidadás, quere dobrar a súa produción e voar a canle de entrada á ría de Ferrol para que poidan entrar barcos aínda mais grandes, con máis carga sucia, con máis risco engadido a esta ría fermosa que converten, aos poucos, inexorablemente, impunemente, no vertedoiro de Galicia. Recentemente entrou un barco gasero para reparar cuxas dimensións eran maiores que tres campos de fútbol unidos en serie. Non se trata de ampliar o calado da rías, trátase de que non someterse a semellantes riscos, para iso debería estar o porto exterior. Tamén me din que se baralla, aínda que non se quen "reparte" esas cartas, a idea de trasladar a planta de papel de Pontevedra, ao área de Ferrolterra. Se había unha posibilidade de que coa posta en marcha da depuradora de residuos urbanos mellorase a calidade das augas da ría, que xa se renovan con máis dificultade que antes, como consecuencia do obstáculo que ofrece o enorme peirao de porto exterior que foi proxectado inicialmente, segundo teño entendido, para a metade das súas dimensións actuais, con esta noticia xa van quedando poucas esperanzas, de ver a ría limpa. Por certo que fai xa moitos anos, tamén se tratou de instalar a Depuradora de augas residuais, inicialmente por políticos máis ben conservadores dentro da ría, na Graña e tivo lugar unha longa batalla para impedir ese desmán. Se é que non gañamos para sustos. Imaxino que sería demasiado pedir que os políticos deixen de darnos respostas alegando que estes investimentos son de carácter "estratéxico", palabra máxica hábilmente seleccionada para facer encoller o corazón dos pusilánimes. Imaxino que sería demasiado pedir que os políticos pensen máis no interese dos cidadáns que nas ordes superiores do partido e que cumpran as leis e fagan que os grandes empresarios, bancos e caixas tamén a cumpran. Imaxino que, como case sempre nestes países onde se sofre unha férrea ditadura demócrata só pódense resolver estes problemas, lamentablemente a touro pasado, con manifestacións de cidadáns indignados ante os responsables políticos, que puidesen ser filmadas por xornalistas honestos e non sicarios de ningún poder. E non imaxino, senón que teño a seguridade, de que unha protesta semellante afectaría aos votos dos políticos de quenda e obrigaríaos considerar que deben prestar atención a ese problema, que é como dicir ao dos seus votos.
Campaña da Coordinadora Estatal Antinuclear (Adenex, Amigos de la Tierra, Ecologistas en Acción, Ekologistak Martxan, Greenpeace, Jóvenes Verdes, Coordinadora contra Garoña, Plataforma Cerrar Almaraz, Tanquem les Nuclears-100%Renovables)
...Como montañeiro e coñecedor da xeografía, trazou centos de debuxos, perfís e perspectivas que colgan en innumerables locais da xeografía galega. Os seus primeiros mapas sobre Ancares e Courel, ao alcance de todo o mundo, aínda están nas mochilas de moitos de nos, e cada vez que os abramos, aí estarás de novo, Gerardo, ensinándonos o camiño. http://www.clubmontanaferrol.com/p-fallecio-gerardo.htm
As persoas que berramos GALIZA NON SE VENDE expresamos a nosa máis enérxica protesta ante o desolador panorama que deixa este goberno disfrazado de progresista coas súas políticas ambientais e sociais que están arruinando Galiza, destruíndo a súa paisaxe, os seus recursos naturais, o patrimonio cultural e a biodiversidade. Políticas ambientais e sociais que significan a continuación das de gobernos anteriores no triste camiño de entregar o país, os seus recursos e a súa identidade, ás grandes empresas multinacionais e aos grandes intereses económicos, utilizando o gasto público para alimentar este obsoleto, inxusto e insustentabel modelo económico e social.
Porque outro xeito de facer é posibel, a cidadanía galega sairá á rúa xunta (e revolta), o dia 15 de febreiro nunha grande manifestación nacional en Compostela, que partirá ás 12 da mañá da Alameda, baixo o lema:
GOBERNE QUEN GOBERNE, GALIZA NON SE VENDE
A lista dos obxectivos e puntos de denuncia é, por desgraza, longa e variada.
Céntranse no corazón magoado da nosa realidade natural e social: Esquecemento interesado das persoas máis necesitadas economicamente, marbellización do litoral, recheos e contaminación das rías, degradación dos ríos, plano acuícola devastador das zonas costeiras mellor conservadas, portos deportivos que enmascaran urbanizacións e apropiación privada da costa, caos eólico, destrución e privatización da terra pola cobiza de graniteiros, louseiros e outras minarías; campos de golf, eucaliptización, cultivos transxénicos, industrias nocivas e perigosas, parques industriais desproporcionados e sen planificación, sistema de transportes irracional, depredador e insostíbel; urbanismo salvaxe, deterioro dos núcleos históricos das vilas, especulación xeralizada, macroáreas metropolitanas engulidoras e centralizadoras do territorio, extinción programada da agricultura e da pesca artesanal, abandono e destrución do rural, pobreza de espazos naturais protexidos e nulo respeito polos que hai, desprotección do patrimonio cultural, especialmente do arqueolóxico…
As persoas que berramos GALIZA NON SE VENDE expresamos as nosas ganas de vivir e de recuperar e potenciar os espazos e coñecementos que nos serviron durante séculos, para que nós e as persoas que veñan despois teñamos un futuro garantido. Por iso artellamos unha rede de colectivos e proxectos realmente alternativos e conscientes, ante a incapacidade e covardía duns gobernantes que renuncian a deter esta tolemia, para procurarnos estratexias válidas para poder seguir vivindo na nosa terra e da nosa terra sen necesidade de esmagar ao resto do mundo e ás xeracións futuras.
As persoas que berramos GALIZA NON SE VENDE temos moi claro que non imos quedar indiferentes ante falsos discursos de cidadanías e democracias cando se nos criminaliza por ser cidadás e cidadáns e expresar o que pensamos, non imos quedar indiferentes cando nos seus discursos baleiran de contido as palabras, mentres agochan detrás actuacións cheas de parcialidade.
Por todo isto é necesaria a presenza de todas e todos o domingo 15 en Compostela, na Alameda ás 12:00 do mediodía.
GOBERNE QUEN GOBERNE, GALIZA NON SE VENDE Terra viva e vida digna para todos!
Reflexions dende canido Nº 2 ( 19-4-24)
-
Reflexions dende Canido
Hoy realizaremos el segundo programa con mas ilusión si cabe que el
primero…….
Seguiremos hablando de lo que nos paso y de lo ...
Vai de libros
-
Un sempre pregúntase se realmente hai un lector para cada obra ou, máis
ben, se cada libro convértese en moitos, simplemente pola pegada que pode
deixar en...
"Son os da comisión, mamá!"
-
Soa o timbre de casa, abres a porta e atópaste dúas persoas. Veciñas da
parroquia. Propóñenche que colabores poñendo cartos para recuperar as
festas pat...
Libre albedrío (Parte I)
-
Levantouse disposto a preparar ese café só co que adquire gasolina
suficiente para afrontar, cun mínimo de solvencia, as súas abundantes
obrigas matutina...
La granja humana
-
[image: orangutan]07-07-2019 - En la actualidad, tanto la especie humana
como el resto de seres vivos, hemos dejado nuestro libre albedrío y nuestra
capa...
Perhaps slot machines will help me
-
I had gone through a terrible virus six months ago. While I was over the
worst of it now, I was left with some neurological complications that
really irr...
Manifestación CC.OO - UGT 1 de Maio 2018
-
[image: Premer para ver as fotos]
[image: Creative Commons License]
This obra by susete70 is licensed under a Creative Commons
Reconocimiento-No comerci...
Ábrete de orellas XLV, 22-setembro-2014
-
estudio de Rádio FilispiM, Ferrol,
22-setembro-2014
podcast do programa
sintonía
- *Pablo Novoa *"Soy un pato" ("Novoa cruza el Atlántico", Subterfuge...
Morre SOQNF. Mas morre de rir
-
Nom está bem rir das desgraças alheias. Mas rir das próprias desgraças nom
está mal. Precisamente isso foi o que figemos na passada quinta-feira, 15
de s...
Tartaruga "BASTEIRA" (Caretta caretta) - No océano
-
*Liberada en alta mar polos compañeros da CEMMA, a Tartaruga mariña común
ou Tortuga Boba (Caretta caretta) que chamamos BASTEIRA porque apareceu
aboiando ...
