Encoro nos Ancares “inadmisíbel”

Foto de Belén Vara en Panoramio

ADEGA rexeita este proxecto por ter un impacto ambiental “inadmisíbel”

(c+p Xornal Galicia.com) O encoro que a empresa Saltos del Navia CB pretende construir nos concellos de Ibias, A Fonsagrada e Navia de Suarna afectará a un espazo de grande valor ecolóxico con numerosas especies protexidas. Nestes momentos o Ministerio de Medio Ambiente ten aberto o periodo de suxerencias para a elaboración do estudo de impacto ambiental, polo que os veciños da zona están a tempo de realizar alegacións. A zona do proxecto está incluída dentro da Reserva da Biosfera Río Eo, Oscos, Terras de Burón e máis forma unha unidade ecolóxica xunto coa delimitación do futuro Parque Natural de Ancares. Por se isto no fora suficiente, a parte norte do proxecto está incluida no LIC Ancares-Courel pertencente á Rede Natura mentras a sur está incluída na proposta de ampliación da Rede Natura que presentou o Sr Conselleiro de Medio Ambiente no Consello Galego de Medio Ambiente em xullo de 2007. Estes feitos avalan o grande valor ambiental desta zona e a tremenda barbaridade que representará un encoro que destruirá por completo o ecosistema e desplazará aos seus habitantes, provocando un enorme impacto ambiental e social. (Artigo completo en Xornal Galicia.com)

Nova atopada en Chuza

Máis en

Galiciae

Asturias Verde

Soitu

El Pais

.