Putos Alcolitos!

Artigo de SUSO que nos achega dende o seu blog Sempre en Galiza


Os alcolitos son unhas árbores autóctonas da Australia e que aquí non fan máis que foder. Estas árbores teñen unha multitude de características (que non mesmamente defectos aínda que o pareza) que as fan incompatíbeis coa fauna e flora autóctona da Galiza (en realidade de todo o mundo agás Australia).

Os eucaliptos son unhas árbores que posúen alosteria, que é un fenómeno que consiste en que emana unhas substancias químicas que fan que non medren árbores ou herbas doutra clase do seu redor.

Pois ben... en Australia a flora autóctona está adaptada a estas árbores e aos seus fenómenos alostéricos, de xeito que nese país os eucaliptais sí teñen sotobosque, que é fundamental pra o ecosistema dunha fraga... ademáis a fauna autóctona aliméntase destas árbores (véxase Koalas), de xeito que se produce un ecosistema en toda regra.

Noutras partes, se plantas un eucaliptal non medra sotobosque e hai un ecosistema que non rinde... os animais non se poden agochar baixo as súas polas... por exemplo, nun carballo poden aniñar os paxaros e están agochados... nun eucalipto non poden aniñar porque se pasa un águia veos con moita facilidade e papa a tódolos paxariños. Ademáis zugan auga que mete medo... as súas raíces tiran pra a auga que da gusto, i ese é o motivo de que medren tan rápido... desertizan o solo; Australia ten agora un inmenso deserto... antes iso era todo un inmenso eucaliptal... cadaquén que saque as súas conclusións. E contaminan augas... por exemplo se plantas un eucalipto preto dun pozo este contamínase e queda inservíbel... todo por mor do alosterismo. E ademáis teñen unha madeira de alto contido en alcohol, de xeito que arden que da ghusto velos, e ao mínimo que faga un pouco calor están a arder os alcolitos.

EUCALIPTOS NON

C+p do blog Sempre en Galiza
Tamén en Chuza